狼振英發表上任後首份施政報告，全城鬧爆冇內容、冇新意。不過，有一樣嘢係前所未有，就係用咗大量「共產中文」！成本嘢充斥「適度有為」、「加大力度」呢啲充滿膽固醇成份嘅抽象中文，聽到都覺得滯；最𢱑頭係話改善維港水質可以建立「親水文化」，八方聽到毛管戙。
其實狼英好多用詞都係緊執領導人口水尾，例如「走出去、引進來」係江澤民02年提出嘅經濟戰略；喺記者會上不停重複嘅「不失時機」，就係習近平最近考察廣東時講。
才子陶傑大鬧佢沉迷大陸用語，一開口就滿口土氣，香港人絕對唔buy。佢話狼英喺人民大會堂大大小小酒會浸淫30幾年，積習難改。佢懷疑隻狼見香港人反對大陸融合，所以專登講共語，激死你哋！