潘頓今季表現穩定，近期成績更可靠，最近三次賽事上陣23次，獲4冠10亞2季，上名率高達七成。今次夜賽(14日)潘頓座騎中，第二場方嘉柏馬房的「玩得喜」賽前三試大閘操到足，有力問鼎頭馬。

第二場四班1650米：「玩得喜」在愛爾蘭七戰兩勝，曾三度出戰級際賽，但走勢毫無威脅，外地賽績水準其實好一般，上季來港編75分插三班實在偏高，連場敗北減分降落第四班，這樣的部署完全可以理解。

「玩得喜」大前仗跑同程1650米突如其來，只輸一又四分一馬位屈居第二，反映評分已減到有利水平。今次相隔上賽超過兩個月，期間曾三度試閘，雖然走勢毫不起眼，但備戰相當積極，最後試跑戴眼罩落草地拍跳，刻意從後追上，表現充滿新鮮感，狀態及鋒而試，今場報跑在港唯一上名的路程1650米，擺明車馬搏殺求開齋。

對手方面，「駕喜」試泥閘1200米，路程嫌短所以在直路需要大力推騎，但卻衝刺有勁，近期辣操狀態進展顯著，轉倉初出料即拚。「八心之煌」今季八戰得四亞，狀態長期見勇，轉爭谷草此程求突破表現，戰意如虹。「飛馬再威」繼續由潘明輝騎，減七磅上陣有利，可爭入圍。