堡獅龍(592)公布業績後,大股東噚日有冇入市增持,阿虎唔知道,不過就因有唔少大行調低盈利預測,令股價大跌11.8%至0.90元,成交高達2106萬元。周三將股價炒高逾10%的春江鴨,今回中地雷。
港股噚日在中移動(941)拖累下,大跌255點,不過領匯(823)竟逆市再上,升3%至13.75元,尾段重見到花旗大手掃貨,似乎對沖基金仍未罷手。
Cookie話,假如股份有大型對沖基金睇中及被大手買入,通常會有其他規模較小的對沖基金跟入,所以領匯升勢幾時停真係好難估,而噚日股價下跌0.84%的新世界發展(017)仍然有得諗。
麗新發展(488)最近獲基金PeterCundill&Associates增持至逾5%,觸動市場神經,噚日股價勁升12.4%至0.154元,成交達3177萬元。