梅禮總係贏唔到，以該場比賽計，就係輸在心理質素，睇到我都仰天長嘯！梅禮經常遇上排名成績比他高的球手，像兩次打入澳網決賽，10年遇上費達拿，11年對住迪祖高域，以及08年首次打入4大滿貫決賽，在美網挑戰費達拿，最後都敗陣而回，幾乎每次都是輸在他自己手上，相信自己原來是一點都不容易。
梅禮令我想起盧迪克，二人的情況有點相像，一個是英國希望，一個是美國甜心，都背負着他們國民的衷心支持，但都讓大家失望。我仍然記得09年，盧迪克好不容易打入溫網決賽，對手係當時5屆冠軍費達拿，盧迪克打出前所未有的水準，面對強敵他沒有畏懼，奮力迎戰，一度讓我以為這一次他會勝出，誰知即使有超水準演出，仍無法改變宿命，對決5盤，還是敗在費達拿手上；但那場賽事，看到盧迪克相信自己的能力，最後輸在一丁點兒的運氣上。我以為那是我所睇過盧迪克表現最好的一埸賽事，真正的雖敗猶榮。
梅禮不相信自己，所以贏唔到，但我相信阿仙奴，阿仙奴相信雲格，雲格也相信自己，都贏唔到，仲可以做乜？或者我都需要睇心理醫生！
文：盧覓雪