「玩具大王」蔡志明新抱汪圓圓，為老公蔡加讚先後生咗3個子女，雖然佢要忙於相夫教女，但一有時間都會陪吓爹哋媽咪，相當孝順。好似日前《蘋果》記者就撞見佢同爹哋媽咪行超市，臨走時圓圓仲同媽咪嚟個goodbye kiss，真係好溫馨。

當日下午5點左右，記者喺中環ifc c!ty'super見到圓圓同爹哋媽咪行超市，同行仲有兩個保鑣。圓圓同父母揀咗疏菜同肉類等成車仔食物，保鑣負責推車，圓圓就同父母邊行邊傾偈。

行咗大約半粒鐘之後，圓圓同父母買齊嘢，由其中一個保鑣排隊畀錢，另一個就睇住幾袋戰利品等候。搞掂晒就call司機嚟接佢哋。冇幾耐，兩部七人車嚟到，圓圓同父母分別坐車離開，臨上車前，圓圓先同爹哋攬一攬，之後再同媽咪嘴對嘴goodbye kiss完之後，再送父母上車，相當體貼細心。

精選娛聞，喺晒《娛果》
http://fb.com/appledailyent