近排社會好多人士都提倡餵母乳,雖然有好多地方嘅配套唔係咁充足,但係都好多新任媽媽都好支持呢個做法。好似喺上個月中生咗BB嘅岑潔儀(Zoe),噚日喺ig貼咗一張餵緊人奶嘅相,睇落真係好溫馨,馮仁昭即刻打俾Zoe,佢話:「其實外國好多媽咪都會po呢啲相,呢張相又唔性感,反而係一張好sweet嘅相,所以我都好希望可以提倡,母乳真係最有益同無價。」佢仲話基本上全部朋友都係餵人奶:「我哋都係互相感染,佢哋仲過咗好多招數俾我,我都有叫啲就嚟生嘅朋友,叫佢哋餵母乳,對自己同BB都好!」雖然爹哋享受唔到餵奶嘅樂趣,不過Zoe話佢都好支持。