早幾日行過鑽石山荷里活廣場,發現商場變成聖誕薑餅樂園,擺有30呎高嘅薑餅摩天輪,小妹就諗起幾年前喺巴黎讀大學嗰陣,每逢聖誕節同啲鬼妹整薑餅嘅日子。
薑餅同聖誕有乜關係?相傳十字軍東征嘅時候,薑係一種好貴嘅進口香料,啲人只捨得聖誕節等重要日子食用,將薑加入蛋糕、餅亁增加風味同驅寒,慢慢成為聖誕節嘅點心;之後,歐洲出現咗「薑餅市集」,因應唔同季節售賣唔同形狀嘅薑餅。
但小妹最受嘅係英國流行嘅傳說,話未婚女子食咗薑餅會遇到如意郎君。姊妹們想唔想學吓小妹炮製嘅「一見鍾情薑餅」(其實係低糖高纖南瓜薑餅),材料同份量睇附表。做法將所有材料攪勻,等30分鐘再分12份,鋪喺牛油紙上再用170度火焗20分鐘就得。
差啲唔記得,荷里活公關Vicky話,送20份薑餅裝飾禮品連電影《投名狀》嘅戲飛,畀消費blog粉絲(每人戲票兩張同薑餅裝飾一件),將姓名、聯絡電話send去mailto:
[email protected],註明「蘋果消費blog讀者索取薑餅及戲票」,先到先得。
逢周一至周四刊出