影視及娛樂事務管理處過去曾將書展部份藝術書籍列作不雅，鬧出國際笑話。有書商邀學者「挑戰」影視處及主辦書展的貿發局，推出輯錄15幅著名裸體作品的《裸睇》，聲言若被勒令停賣將退出書展。
「前幾屆嗰本《愛情神話》，因為裏面嘅希臘神話藝術插圖係裸體，都俾影視處話不雅要收起，所以出本書測試吓佢哋有冇學到嘢囉。」次文化堂社長彭志銘稱，特意邀請浸會大學人文學課程教授文潔華編著以學術角度剖釋裸體的書籍。

浸大學者：咪神對答流利

文潔華稱，《裸睇》刊載15幅不同時期裸體藝術畫，包括強調男體肌肉美的古希臘《擲鐵餅者》、畢加索（PabloPicasso）的《裸體、綠葉和半身像》等，當中古斯塔夫庫爾貝（GustaveCourbet）的《世界的起源》，女性陰部極逼真。
她說裸體是藝術重要部份，「乜都禁，青少年反而好奇。o靚模寫真都係被禁反而越好賣」。她曾在入學試面試浸大咪神楊梓瑤，「佢對答流利，成績唔錯，唔會因為佢係o靚模唔收佢」。
貿發局昨未要求停售該書，發言人只稱場內只可售一級書籍。此外，書商專業訂閱在場內售賣疑似不雅的台灣漫畫《三生有性》，經勸諭後已停售。