55歲的錢小豪有兩個兒子，一個是龐景峰（Andrew），今年27歲。27年來，父子相處時間，少之又少。

所以，15歲的幼子錢穎德，他經常帶着身邊，上山下海，因為他不想錯過兒子成長的每分每秒。

事有湊巧……應該是，兩兄弟生肖俱屬馬，相差12年。

多年來與Andrew父子關係疏離，是錢小豪人生中的一大遺憾。可幸近年與Andrew見面多了，拉近距離。

當了父親多年，錢小豪感謂︰「兩個仔喺身邊，日日都係父親節。」

【15歲識整車 16歲學揸小型飛機】
穎德跟爸爸錢小豪，年齡相差40年，難得這對父子沒有代溝；賽車場上，更是上陣不離父子兵，兩父子是日來到飄移賽車場較量一番。

儼如大細路的錢小豪，上到車場並沒有遷就兒子，穎德也是後生可畏，他幾年前已開始學小型賽車，技術不遜老竇，尤其轉彎位玩飄移時，更是技勝一籌。錢小豪看在眼裡，由心笑出來︰「佢依家識整車，叻過我添。」

自小讓兒子學游水、踏單車、打拳，近年學埋小型賽車，錢小豪說︰「佢一學就上癮，佢師傅李泳豪俾佢試房車，遲啲部署緊佢參加國際賽事。澳門格林披治之後兩個星期，會有個小型車國際賽，佢今年會參加少年組。」

下一步，他想兒子考小型機師牌。「我遺憾冇飛天嘅牌，潛水、船牌，有關水、陸嘅牌我乜都有，依家計劃阿仔去澳洲學小型飛機，嗰邊16歲就可以考。」讓兒子學不同運動，是希望兒子從學習中，可以鍛鍊意志力。問他在兒子身上看到自己的影子嗎？他不諱言︰「冇喎！我靚仔啲。」說罷他望一望兒子，邊笑邊自責的說︰「好hurt佢添，小朋友唔應該咁創傷佢，阿仔乖，唔好受挫折。」穎德聞言白了他一眼。

【冇見半年：唔認得自己個仔】
兒子以前送給他的父親卡、畫作等，錢小豪甜在心︰「佢細個畫俾我啲畫、公仔，我都儲起晒。」進入少年期的穎德，問他對父親節的感受時，他坦言︰「少咗留意父親節母親節。」其後叫穎德攬爸爸錫，怕醜的他耍手說︰「唔好啦！」見狀，錢小豪鐵漢上身笑謂︰「我一早預咗，會有被遺棄嘅感覺，我接受到。」

「嗰時佢仲係手抱，我上咗去北京做導演拍戲，冇見半年，第一眼見到個細路走來走去，我竟然唔認得自己個仔，嗰次之後我唔想再錯過佢嘅成長，唔想為工作再有缺失。」

撰文︰羅婉玲
攝影︰沈健程
攝錄︰廖達燊
場地︰Speedway Diner

相關文章：
【爹哋=萬能俠】妹妹Sukie向父求婚 鍾舒漫自嘲在騙案中成長
https://bit.ly/2JQjfuV
【父子道場見】成日叫個仔搬 72歲夏雨感觸：人老咗好麻煩，要人照顧…
https://bit.ly/2JG9O1O
【微動画】愛要及時 別讓父親節留憾
https://bit.ly/2JMU7Gp
【前妻改嫁兒子改姓】錢小豪父子分離逾20年：想儘量修補番
https://bit.ly/2lgCu2S
【54歲初為人父】與歲半兒子天天歷險 杜德偉驚覺：爸爸以前都係咁整我
https://bit.ly/2JKihRw
【太太患腎病】帶12歲仔開檔 黃翊復出做歌手：爹哋唔係流㗎
https://bit.ly/2t1y0kL

精選娛聞，喺晒《娛果》
http://fb.com/appledailyent