方大同一連兩場的《TIO靈心之子巡迴演唱會》昨晚在紅館舉行頭場，獲蕭正楠、洪永城捧場，演唱會開三面舞台，着長褸示人的大同以一曲《悟空》揭開序幕，接着他獻唱《南音》、《好不容易》及《春風吹》等歌迷熟悉的歌曲，台下觀眾不時跟着大合唱又讚大同靚仔。

嘉賓方面分別有台灣歌手王詩安與大同合唱《一步成詩》及《明天》，接着就到周國賢現身，與大同用結他一齊Jam出《Come Together》，臨落台前周國賢更親吻大同的臉頰，引來台下一陣尖叫，大同稱：「自08年後，好耐冇同周國賢合作。」其後大同再獻唱尚未推出的新歌《白髮》，到尾段更一口氣唱出多首經典舊歌，包括《愛愛愛》、《1234567》及《Love Song》為演唱會畫上句號。

完成演出的大同接受訪問時表示，相隔4年再在港演出，起初擔心觀眾反應冷清：「點知第一首歌就見到佢哋好開心，即刻放心晒。」大同又表示在準備演唱會期間，不斷有歌迷在他IG上留言：「佢哋揀咗十首最想聽嘅歌，大部分都係我第一、二隻碟入面嘅舊歌，好似《春風吹》，所以今日都有唱，其實今次最希望做到新舊歌Balance。」講到請周國賢做嘉賓，他表示：「上次我哋同台已經11年前，今次好開心可以再一齊玩。」問到尾場會否找來好友薛凱琪任嘉賓？他大賣關子表示：「聽日有好多朋友嚟睇，到時你哋就知。」

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynn