前財政司司長梁錦松喺02年閃電再婚，同細佢25年嘅內地跳水皇后伏明霞結婚，婚後生咗三個小朋友，包括大女梁司渝，同兩個囝囝梁皓嘉、梁家瑋。二人結婚16年，一直恩愛，仲不時帶埋三個仔女齊為小母牛香港分會出活動做慈善。

近日，網上就傳出二人婚變消息，指二人離婚數星期，離婚更由女方提出，《蘋果》搵到梁錦松回應離婚一事，佢表示：「謝謝關心。我和太太很好，離婚傳聞絕無其事，無中生有。」梁錦松否認婚變，而伏明霞就孖住教友姊妹鄭秀文(Sammi)等聚會。Sammi今日喺Instagram擺咗一條同伏明霞等友人聚會嘅片，一身黑皮褸打扮嘅Sammi負責揸機拍片，不過佢唔識揸機，將相機打橫拍攝，搞到伏明霞無所適從，但就笑得非常燦爛，一啲都唔似受婚變傳聞困擾。

精選娛聞，喺晒《娛果》
http://fb.com/appledailyent