聖誕外遊，是常識吧？華置劉鑾雄嘅公子、青年事務委員會主席劉鳴煒MW都係咁話！

MW已經去咗北歐渡假，冰天雪地，本身係運動健將嘅MW卻冇有怕，喺facebook圖文並茂話，冒著零下14度嘅低溫到戶外跑步，用毅力完成創舉，卻搞到眉毛、面額、鬍鬚位都佈滿一粒粒雪片，張相睇落幾得人驚，但有網友就話，佢都幾似聖誕老人喎！

MW似乎都幾Enjoy嚴冬中跑步，仲話自己跑足半個馬拉松：「你或者未必信，但真是幾好玩！」為免凍傷，佢話包到實一實咁去跑，但係一路跑、啲冷風一路吹入佢隻眼，而最終呢，MW話跑到成件衫都係汗呀。