近一星期連日大雨，尤其晨操時段，泥地變得溶爛，有很多馬匹試跑或試閘表現看似未如理想，實在要小心觀察，稍為欠缺經驗很容易有錯覺。

雷神加潘頓近三次賽事共取25場頭馬，如果沒有嘜住呢兩位仁兄做膽，想贏錢都難，周三（5日）二人又夫卜上陣，連場殺攤可其預見。

第一場三班2200米：大長途賽事，傾向揀輕磅馬，鍾意「赤火神龍」升班負最輕磅，加上雷神之助，贏面極高。睇番近四戰四班負重磅，三次輸不過馬頸位，都是臨門一步被趕過。

秤上仗用蘇狄雄負131磅超多死鉛，能夠在嫌短的1650米，快步速頭三段1分15秒91，比標準時間快0.74秒，全程二疊與「紫電明珠」鬥燒，直路透出看似捱到之際，僅被「明月光」漁人得利後追生擒，表現實在出色，跑第三名「自然君子」再出再上名，就知水準高。

「赤火神龍」上仗快步速鬥燒唔斷，今次升三班由131磅減至114磅，仲要雷神壓陣，擺前走相信可安車平五路。

對手方面，「事勝意」級數在此組最高，沒有黃俊減五磅，但有黃皓楠三磅，同可發揮威力；「扎西德勒」轉大摩馬房，拍跳、大閘樣樣做齊，同可加入戰團。

---------------------------
【六四30】守住歷史 拒絕遺忘
https://hk.adai.ly/zdzKtt2RiW