為咗買到迪亞高哥斯達（DC），馬體會可以去到幾盡？英國《每日郵報》報道，馬體會已為DC向車路士，提交一份破球會紀錄、價值5,700萬鎊(約5.7億港元)嘅終極報價。據了解，馬體會嘅實質報價為4,800萬鎊(約4.8億港元)，另外嘅900萬鎊為附加條件。

目前DC仲未肯返英國，佢依家仲留喺家鄉巴西度假。不過就算DC轉到會，佢都要等到1月先可以上陣，全因馬體會依家仲有轉會禁令。由於DC已經好耐冇踢過正式比賽，所以狀態一定唔係幾好，馬體會教練施蒙尼依家淨係想佢快啲操返起，以最佳狀態征戰西甲。