都係嗰句，抗爭運動，兄弟爬山，不割席，但對錢銀問題多黑歷史的人，就要數目分明。

Tommy(阮民安)的舊債主，月前陸續向他追討，Tommy一番「人誰無過」論後，即在臉書公開只供whatsapp的電話，聲稱由他的團隊跟進舊債。

未幾其舊愛屬和理非的阿K，站出來公開被Tommy傷害的慘痛經歷，及為她背上50萬巨債的經過，希望前車可鑑，提醒大家要小心跟他的錢銀瓜葛。

報導出街後，唔少網友在連登熱烈討論，「債主」更不斷浮面，有網民在他的fb 留言，稱代化妝師朋友追回四千元化妝費，又指之前已番言到Tommy提供的whatsapp電話，但冇人回覆。

Tommy見狀，即擺出一副積極態度回覆對方:「我知道已經即時處理中。」，那網民說若他處理就會delete post，而Tommy亦以誠懇態度再回:「無問題，所有事情搞清楚，就好！」，但個多小時後，該網民留言:「玩block？」，似乎轉個頭她已被Tommy block了。

至於連登，在「阮民安真面目大揭秘」有人留言說:「爭我外父數十萬，幾時還呀？呃咗咁多錢都唔還錢？whatsapp藍剔又唔覆？如果係想洗底有心改過係咪應該諗辦法慢慢解決呢？變黃咗就唔使為自己以前做過嘅嘢負責任？」

而連登常客「吉野妹」，更開post《「兄弟如衣服」吉野妹送給偶像阮民安的聖誕禮物》，內容是這位曾經是他粉絲的「吉野妹」，不屑他早前踩人上位的舉動，在臉書寸三位缺席金馬獎的藝人是「茄呢啡」論，引用Tommy曾說:「有樂壇小強的花名，其實好難受的說話。」反寸他:「你自己經歷過低潮，知道被人恥笑幾咁難受，人哋幾位前輩喺影壇默默耕耘，你一句茄呢啡就抹煞人哋嘅努力？」

Tommy早前以監製身份，在海洋公園上演兩場舞台劇《夜谷賓館營業中》，找來羅莽演出，「吉野妹」cap低曾有網民在臉書問Tommy一句:「羅網(莽)唔係藍嘅咩？」，Tommy回覆:「手足！呢個班底，唔會再喺我身上出現架啦！」，「吉野妹」以此寸他:「一時就羅師傅，到有人爆羅莽係『藍』，你為咗『明哲保身』驚影響『深黃手足』形象，喺未fc情況下即割。」仲未完，「吉野妹」又cap低另一網民追討由七月延期至十二月公演的舞台劇退飛錢:「你哋其實係唔係會退番錢俾上次因你們改期而未能看節目的觀眾？無論message或email都唔覆。」，然後「吉野妹」總結:「舞台劇開騷前一日，仲有人留言追數，唔知你還咗錢未，但你啲數口都幾混亂，唔追都唔做野。」似乎呢位前粉絲，對偶像已經由愛變恨。

有不少網民在這兩天開始質疑Tommy搞眾籌開演唱會的目的，其中網民說:「佢個網本身有叫人贊助佢開演唱會，而家delete咗呢個item，係咪代表唔會公開自己之前收咗幾多錢贊助，然後自己吞咗。」，另一位留言:「18號係公園開show呀#佢投資咗5位數字，好多架，不過吞咗嘅仲多。」

至於Tommy今日回應傳媒，指若欠舊愛阿K債，她為何數年來不主動找他追討，而他一直沒有改電話號碼，又在臉書抹黑舊愛「坐枱」，對此阿K曾回應:「咁多年我從來都搵你唔到，你冇主動還番錢俾我，我幫你借咗錢，你唔主動搵我，仲話我唔主動去搵你去解決問題，咁已經係一個問題啦！同埋所有錢係我真金白銀打工，與及問朋友借返嚟幫你。佢(阮民安)第一次問我借錢時候，就係我攞七千蚊去贖佢，呢啲全部都係我幫佢，但佢一句唔該、多謝都冇，咁多年五十蚊都冇還過俾我，仲要調番轉抹黑我，我真係覺得好恐佈，點樣唔心寒。」