吉利（175）爆升，當大家以為係炒成個汽車板塊時，原來仲有一個爆炸性嘅消息：吉利染藍。該股近日屢屢破頂，現時股價已突破10元大關。另外吉利窩輪亦非常旺場，股民狂掃call輪，令有隻call輪的街貨量已高達100%。

吉利上周五勢頭最勁，單日爆升8.4%，創歷史新高，成交有成接近10億元。今周該股延續升勢，周一衝上10元大關，直至今日仍企穩高位。一批聰明錢隨即湧入吉利窩輪，橫掃call輪，街貨量超過99%的吉利call輪現時有七隻，法興發行就佔了四隻，一隻中銀的認購證街貨已上到100%。

吉利窩輪咁搶手，原來仲間接幫手推高正股股價。有市場人士指，由於吉利並無ELN、OTC或上市期權可讓輪商大規模進行對沖，因此極有可能被逼喺市場上狂掃吉利，令正股爆升。

掌握財經生活資訊，即Like「蘋果ATM」fb專頁啦！
http://fb.com/appledailyatm