今日父親節，大台視帝王浩信卻冇乖女陪慶祝！最近王浩信同老婆陳自瑤（YoYo）爆婚變，日前YoYo帶住黑眼圈出席活動闢謠，強調同老公冇分居冇離婚，兩公婆似乎雨過天青。(相關新聞： https://bit.ly/2tglaym )王浩信仲即時同老婆喺社交網「來往」，喺老婆貼相時畀like。

以為今日父親節，一家三口可以溫馨度過，但偏偏身為父親嘅王浩信，卻去咗美國大西洋城同陳敏之登台，搵錢至上。今日佢喺ig晒身處陽光海灘相，留言：「喺度祝大家父親節快樂嘅時候，我呢度嘅父親節就仲未到，返到去嘅時候父親節就已經過完，2018我嘅父親節消失喺時差之中，又或者可以話係第一次最近距離同天父過，哈哈，致所有努力打拼嘅爸爸，父親節快樂！」

網民都留言祝佢父親節快樂，至於YoYo暫時未更新社交網，唔知佢點陪6歲囡囡度過沒有爸爸喺身邊嘅父親節呢！

精選娛聞，喺晒《娛果》
http://fb.com/appledailyent