社交移民︱MeWe「雙重認證」功能需付費 區諾軒賬戶曾遭黑客入侵 籲轉場前衡量保安風險
社交移民MeWe區諾軒方保僑
社交媒體已成為現代人不可或缺的一部份,但近日Facebook 出現大規模「移民潮」,有人因不滿
Facebook封鎖美國總統特朗普賬戶,或不滿Facebook霸權,紛紛「遷徙」至社交平台MeWe。但有網民質疑MeWe的私隱及保安政策隨時比Facebook更差。前立法會議員區諾軒就指,去年12月其MeWe賬戶曾被黑客入侵,甚至更改其賬戶電郵地址,令他無法再使用。他曾電郵至MeWe但一直未獲回覆,提醒市民若要「轉場」需小心保安風險。
香港資訊科技商會榮譽會長方保僑稱,MeWe設「雙重認證」功能可保障用戶的賬戶免被黑客入侵,但有關功能需付費,惟有關功能仍未推出。
前立法會議員區諾軒接受《蘋果》訪問時稱,去年9月已開設MeWe賬戶,「好早時候已經開,但開完冇乜點去用,因為始終嗰時冇咁多人用」。但至去年12月底,發現其MeWe賬戶被黑客入侵,「講埋啲完全唔係我講嘅嘢啦」。
黑客甚至更改其賬戶的電郵地址,「嗰個人改埋我個後備email address,MeWe個security setting如果係免費(賬戶),你入錯個密碼只可以用原本登記個電郵去重新啟動,但hack嗰個人入到(我賬戶),改咗個電郵⋯⋯咁就完全攞唔返個account」。
區稱,事發後曾電郵予MeWe,但一直未獲回覆。他又稱,曾有資訊科技界人士指,在保安上最安全做法是採用電話雙重認證,但MeWe需付費後才有此功能,「我諗大部份人都唔會畀錢」,提醒若市民不購買其付費功能,「轉場」去MeWe時需小心賬戶隨時被入侵的風險。
香港資訊科技商會榮譽會長方保僑稱,翻查MeWe私隱政策明,表明不會賣廣告、不會將資料賣予第三方等,「以前好多呢啲(社交媒體)都係咁寫,最早期梗係最好嘅,做做吓會唔會改變就冇人知」。他認為,任何一間社交媒體公司的服務條款及私隱政策可以不斷更改,「喺呢嗰時期見到嘅 terms and conditions到日後係咪會變,冇辦法guarantee(保證)到,依家呢嗰moment就咁睇(MeWe)係OK,相比起Facebook佢係OK。」
方保僑續稱,MeWe設「雙重認證」功能2FA(two factor authentication),可保障用戶的賬戶免被黑客入侵或接管,「只用username同password呢種組合係唔安全,通常雙重認證就會用電話嘅SMS畀嗰隨機number你,可以保障你account」。
但有關功能需付費,更寫明coming soon,「呢個係收錢功能,未出街、唔知幾錢,未可以畀錢增設2FA功能。」他認為,MeWe表明不賣廣告,需要營運就要推出付費功能,「都正常模式嚟,如果唔係佢點生存?」
-----------------------------
-----------------------------