「我學得最多，就係點為一件你好重視的事企出嚟，好多人問你可以為社會付出乜嘢，每個為社會出一分力，全世界的人付出小小善意，其實呢度就會變成天堂！」18歲DSE重讀自修生鄭小姐，自黑勢力襲旺角後，留守彌敦道至今，她放棄高床軟枕，每晚露宿街頭，翌日早上返家溫書，晚上出街頭抗爭，日復一日，未有止息，直至爭取到心目中理想的民主政制。「只要plan得好，成件事無咩衝突。」她淡然一笑。

鄭女稱佔領行動豐富了人生經驗，學懂緊守崗位。「我係一個比較衝動的人，有事衝得好前，但有人講嚟到呢場運動，要知自己係咩崗位，我攞咗FirstAid(救傷)牌，有咩就去救護站幫手。一個女人衝前，搬嘢搬唔到、衝突又唔夠人撼，何苦做俾人抬走果批，不如喺適當崗位發揮效用。」

好多成人對港府放寬普選門檻不抱期望，她亦聽到家人冷言冷語，但聲言不想再做一隻不發聲的鵪鶉，「好多事付出努力未必改變到，雖然呢件事聽落好荒謬，可能下定決心去改變，已經係一個好大進步。馬丁路德金解放黑奴時，邊有人想到黑人終有一日做到總統，可以平起平坐...現在我會路見不平，唔係諗『算啦，都做唔到啲咩』，而係我可以做到乜嘢。」