當年今日
關於我們

【短片】【青衣爆升之謎】:一房變三房 翠怡業主:勤力啲咪得囉

蘋果日報 2015/01/28 06:00

青衣翠怡花園美景花園

除了美景花園呎價升逾三成,同區翠怡花園呎價升幅更為驚人,2015年1月份平均實用呎價錄11,507元,比較2013年12月份錄8,568元,升約34.3%,比起區內龍頭屋苑地鐵站上蓋的盈翠半島,以及反映整體樓市的中原城市領先指數CCL,分別多出17.6及22.1個百份點。

翠怡花園業主馮先生坦言:「預計到架啦,因為青衣嘅盤,一係就好貴,呢啲中價樓(上車盤),唔係好多盤放出來,所以啲小家庭生咗細路仔咪追求呢啲囉!香港地,樓宇供應唔係多,未來幾年可能好啲,但暫時都唔係好多架嘛。」

馮生自認是翠怡花園的忠實粉絲,十多年前買入該屋苑的細單位,其後換過屋苑的中型單位,換到現在與住實用面積約500方呎的3房單位。這個3房單位,估計市值逾500萬元,馮生稱:「1房轉兩房,兩房轉三房,2006年換架,個陣時170幾萬(咁咪發達?)唔係發達,咁你住架嘛(閣下豈不是典型換樓客個案?)勤力啲咪得囉!」他續稱:「搬,就唔會搬,有多餘錢會買多層樓。」

在青衣居住三十多年的蔡小姐表示,以前住區內公屋長康邨,十幾年前透過二手市場買入翠怡花園住到現在。對於屋苑呎價升逾三成,她直言:「咁犀利呀!因為幾好住,係呢頭,比起盈翠半島、灝景灣,唔算太貴。我自住,無乜點影響。我覺得呢個屋苑的配套、保安、設施,樣樣都幾OK咁囉!」