梁家仁在90年與馬清儀合作過經典電視劇《孖仔孖心肝》，戲中梁家仁飾演「老粗」魯輝，越級挑戰追上流社會出身飾演卓齡的馬清儀。

梁家仁今日接受《蘋果》電話訪問，他表示印象最深有兩場與清儀合作的戲，他說:「有場講佢飲咖啡，問佢落幾粒糖，佢話『兩粒半』，第三粒咬半粒畀佢。仲有講我做三行，成身油見到佢即着多條褲，連底褲有3條，佢問我點解要着咁多褲，好有喜劇效果。」

談到馬清儀為人，家仁哥說:「佢好nice冇架子擺款，冇遲到早退，TVB興遲到早退，試過等3個鐘頭。可能好鍾意拍戲，佢嘅戲成日同我一齊。戲入面我做三行，小人物角色，佢就係有錢女，同現實中一樣，同佢真係好多感情戲，追有錢女。記得佢拍戲都着好多名牌衫。」