雖云老馬利季初，但當弗的話，季尾老馬一樣有用武之地，好似周日(18日)沙田第三場四班1400米，葉楚航馬房旗下八歲老馬「海嵐一號」咁，最近三戰得一冠兩季全上名，幫馬主搵番幾十萬獎金。

據知「海嵐一號」前仗由雷神贏完，廐主已諗過同馬主商量，讓此駒提早退役，但就因為佢嘅狀態仲係好好，於是改變初衷跑吓再算，上仗再出換黃皓楠減七磅一樣咁勁得季軍，只輸條頸畀頭馬新降四班嘅「猛闖」。今次葉楚航一早卜定潘明輝再戰，獲減10磅更多，又執個一檔，可謂最有利條件集於一身。