日本偶像組合SMAP成員草彅剛，將會喺今年秋天播放嘅富士單元劇《手塚治虫的怪醫黑傑克創作秘話》中扮演已故日本漫畫之神手塚治虫。

富士單元劇《手塚治虫的怪醫黑傑克創作秘話》，改編自由宮崎克與吉本治二合力創作嘅同名漫畫，故事講述手塚治虫如何喺人生艱難嘅時期創作出驚世名作《怪醫黑傑克》。

現年39歲的草彅剛，會喺劇中化身手塚治虫戴上畫家帽嘅招牌扮相。