韓流始祖裴勇俊今年7月迎娶朴秀珍，佢哋即將迎來第一個中秋佳節，二人所屬嘅Keyeast相關人士就話：「裴勇俊同朴秀珍喺中秋休假期間，會同雙方嘅父母，還有其他屋企人一齊過，依次度過溫馨嘅節日。佢哋今次嘅休假冇對外公開嘅日程，所以同其他家庭一樣，會喺家裏休息度過假期。」

而前日播出嘅SBS節目《深夜的TV演藝》中就大爆裴勇俊點樣用心拍戲，節目邀請到專業人士，佢提到當日同裴勇俊合作時，佢因為要扮演朝鮮時期嘅人物，為咗還原片中人物形象，裴勇俊就往往從晚上9點到第二日淩晨5點，不眠不休練習發音成八個小時。該人士仲補充話：「裴勇俊嘅認真不僅僅係呢一點，佢不論拍攝哪部電視劇或電影，都比其他演員早到片場一個小時。而喺片場見到裴勇俊時，佢亦已經同工作人員切磋緊劇本，投入到工作當中。」

同時節目亦都公開咗蘇志燮為咗探討《主君的太陽》的劇本，佢就曾經講過：「想回到初心，重新找回演技熱情」，於是蘇志燮就同一班新人一齊接受培訓。據知蘇志燮未有因為自己係巨星而婉拒培訓，反而爽快答應，又指自己從新人中學到唔少東西，令佢有種預備軍訓練嘅感覺，就連有時結束訓練之後，蘇志燮直接着住軍裝過來上堂，令大家大吃一驚”