【浪漫要學習】陳展鵬第一次求婚被拒絕 單文柔爆準老公親手摺戒指
陳展鵬Phoebe單文柔
41歲陳展鵬今日宣佈迎娶28歲女友單文柔(Phoebe),今日接受《東張西望》訪問嘅時候,講到求婚嘅過程,陳展鵬話過程都係有心意嘅,因為要喺英國搵一部巴士,仲要當眾跪低求婚,佢仲話:「呢啲係佢要求嘅,因為佢話:『你拍戲嗰時好浪漫嘅喎。』我咪話拍戲同真實唔同,但佢就話唔得,因為要有嗰個畫面,所以專登揀嗰個地方。」
陳展鵬又話婚禮會簡單做,但係都會做齊啲嘢,講到買咗樓,佢就話:「香港啲樓真係好貴,不過都有儲錢,所以都冇問題嘅。」至於造人計劃,展鵬就話會努力。
單文柔都有接受《東張西望》,原來英國嘅求婚唔係第一次,之前喺香港嘅時候,陳展鵬已經求過一次,佢話:「佢嗰時自己摺咗一隻心型嘅戒指,喺我瞓嘅時候載上我隻手,我嗰時冇為意,第二朝我問『即係點』,我冇應承,之後佢叫我打開隻戒指,入面寫咗好多嘢,但我都冇應承。之後去到英國再求一次。」單文柔仲話屋企人都好滿意陳展鵬。
精選娛聞,喺晒《娛果》
http://fb.com/appledailyent