公務員梁鎮罡（Angus）爭取同志配偶福利的司法覆核案「先贏後輸」，原訟庭裁定當局須承認已婚同性配偶並給予福利，但早前公務員事務局上訴得直推翻裁決。平權落空，Angus晴天霹靂，過去兩年半為官司折騰、夜夜難眠，他仍期望上訴至終審法院，現正申請法援，「如果唔上訴，就遺留咗個case law（個案法），未來平權更加無可能進步。」眼見身邊一對同志戀人死別卻不能相送，自覺較幸運的Angus更要「行多一步」，捍衛同志伴侶應有的尊嚴。

記者　周婷

這場爭取同志公務員福利的覆核官司，始於2015年的平安夜，訴訟展開後，Angus說沒有一刻過得輕鬆，縱然原訟庭去年判他勝訴，他也沒有欣喜若狂，「點解我哋爭取一個咁基本嘅權利，都要用一個咁沉重、咁長嘅手續去做呢？點解唔係政府實踐承諾，去畀我哋公平嘅對待？」公務員事務局上訴得直後，他的壓力更大。

Angus憶述當初決定提請覆核，除了因屢向當局申訴不果而對不公制度感憤怒，也源於一份使命感，「我同我伴侶史葛係比較幸運嘅一對，家人好支持我哋，咁點解我哋唔行多一步，為大家爭取一個公平嘅對待。」Angus的伴侶Scott來港16年，他愛稱呼對方為「史葛」。

Angus見過很多同志在工作崗位、社會受盡歧視，未敢走出衣櫃，一對相戀已久的同志朋友更因此遺憾終生。該對情侶早已認定彼此，但害怕不被接受而未「come out」，至其中一人出海時意外喪生，伴侶聯絡不上，最終閱報才得悉死訊，卻不能拜會對方親人，「連幫佢嘅摯愛搞後事都做唔到，要每日上殯儀館網站搵對方資料。」

這憾事對Angus影響極深，「我哋成日話香港點樣走在世界最前面，但連最基本嘅家庭權利都畀唔到市民，我覺得係好有問題。」已婚公務員及其配偶可獲房屋、醫療、牙科保健等福利，但Angus在2014年跟伴侶結婚後，公務員事務局屢次拒絕為他更新婚姻狀態，遑論提供福利。

Angus強調，提出覆核不止為爭取福利，更重要是捍衛伴侶的尊嚴，「我同我嘅同事一樣，大家努力工作，服務市民，我哋都好愛我哋嘅屋企人，希望為屋企人提供保障，但當我睇到身邊嘅同事，每每佢哋能夠做到既，我都做唔到，每每提醒返我，我喺呢間公司入面係一個次等嘅僱員。」

他希望在生命中每個關鍵時刻，史葛可成為他的第一聯絡人，「依家我（工作時）發生乜事，我伴侶係唔會被通知，喺法例上面，佢（史葛）同我係完全無關係嘅人。」他有時會擔心將來，「我同史葛如果其中一個病咗，或者入咗醫院，我哋仲有無能力去照顧對方？照顧大家嘅家庭？甚至可唔可以去醫院照顧佢呢？」

嘗過敗仗，Angus坦言擔憂再度失敗。如果未能獲批法援，他跟伴侶亦難以負擔天價法律費用。他坦言，這場覆核戰令他認真思考去留，若最終無能力上訴、或終極上訴後敗仗，他或離開這片土生土長之地，「我哋本身好喜歡香港，我哋視香港為屋企，若果到最後我哋爭取過，但結果我哋仍然係一個隱形人，咁我哋會再審視返，到底香港係咪仲係一個我哋叫做家嘅地方？」