斯肯索普周三晚先至踢過夜場聯賽，雖然係作客贏波，但周六早場就要再踢新一輪秩序，返主場迎戰近5仗不敗嘅唐卡士打，竟然仲要讓對手。其實斯肯索普今季主場表現都算平穩，但喺咁頻密嘅賽程中要連捷亦唔容易，加上近6次迎戰唐卡士打都不勝，呢場千祈咪信只係少讓平/半嘅上盤。

摩納哥「反底」無期

摩納哥主場對住勒芒，睇牌面真係好似摩納哥穩贏咁，莊家開出讓半球盤口，唔驚上盤無幫襯；但摩納哥今季一路無貨賣，「反底」無期咁款，呢啲波追唔過；法甲聯利主隊之外，仲幾旺和波，上盤忌捧。
另一場法甲聯，色當主場對雷恩，主隊讓平/半又係古靈精怪。色當今季仲未開到勝門，相反雷恩近4場不敗；就連對賽往績，色當近兩次迎戰雷恩都贏唔到，呢場仲讓波向下盤客派錢？睇怕莊家都對色當有一定信心，咪以為下盤好筍。
維爾瓦主場對貝廸斯，客軍上周主場僅負皇家馬德里0:1，直播比賽中大部份時間壓住皇馬欲扳平，好似幾有料，今日作客又唔使讓，平手盤對住支升班馬，真係咁抵玩？維爾瓦上周取得今季第2場作客勝仗，反而主場仲未開齋，都幾反常，因住呢場就嚟料，今仗平手應該係捧主隊至真。
文：華度