窩輪搏擊:9105吼位博反彈 - 俊樺

蘋果日報 2008/03/16 00:00


花旗股市上個禮拜五顯著下跌,投資銀行貝爾斯登周轉不靈,要聯儲局出手相救,銀行倒閉危機觸動投資者嘅神經,金融股大瀉,𠵱家人心惶惶,唔知次按風暴幾時先至會停。
市場越來越相信聯儲局呢個禮拜會減息1厘,不過大幅減息唔會有大作用,投資者會認為大幅減息只係確認問題好大,減息只會令美元更加弱勢。港股喺花旗嘅ADR跌到一仆一碌,今日都好難有運行,花旗股市呢個禮拜會好波動,跌勢可能會更急,就算中長線買港股都係遲啲先諗,唔使咁心急。
中交建C輪9105:中交建(1800)上周五收17.38元,下試250日線反彈,今日或會再次考驗250日線,但低位買C輪博反彈嘅值博率增加,吼位買啲9105短炒,上周五收9.8仙,有效槓桿5.5倍,正股反彈上18.8元,9105睇15仙,正股跌穿16.6元,隻輪沽出止蝕。
empty