美國真人騷女星KimKardashian不嬲以巨籮見稱，上月佢剛剛度過34歲生日，同歌手老公KanyeWest人前人後都表現恩愛，生埋囡囡更加係生活美滿，日前佢哋兩公婆又喺洛杉磯行孖咇，Kim拎住一個畫到花喱碌嘅名貴Hermes手袋，據知Kim安排只得16個月大嘅囡囡用油彩畫花呢個價值超過48萬港元嘅手袋，果然係佢一貫博出位作風。

Kim做人阿媽更加鍾意showoff，尤其係佢好自豪嘅豪華臀。最近，Kim就幫美國雜誌Paper拍攝封面同埋內頁照，負責攝影嘅係普名設計師Jean-PaulGoude，呢輯相係上個月拍攝，Kim唔止成身油上陣，佢仲模仿JPG嘅一輯經典舊照，挺起超級巨籮，上面就托住酒杯再接香檳，夠晒出位。