近日喺香港各個社交平台，最常見到嘅一定係「十萬」，呢「十萬」唔係大家辛辛苦苦搵嘅「十萬」，而係大劉劉鑾雄送畀囝囝劉鳴煒嘅生日禮物「十萬」。當日劉鳴煒話自己生日收咗爸爸嘅生日禮物十萬現金，佢好勵志咁話佢自己冇用呢十萬，反而半年間拎住呢十萬現金數錢，咁樣點會唔成為網民熱話呢？而杜汶澤都有喺facebook講呢「十萬」。

杜汶澤喺facebook打咗好多嘅文，都係講富二代其實係冇得揀，當中佢講到劉鳴煒就話：「不過我相信，最困難嘅一份工都莫過於負責勉勵年輕人上進嘞！偏偏劉鳴煒就選擇咗呢個任務，等於喺原罪上再加一條傷人罪一樣。當中原因，我完全冇興趣知道，我從來唔理人做咩嘅，只知道呢個抉擇唔係咁明智。因為佢其實可以好似『理x佢』咁，低調地做個上市公司主席，如果想做好心可以學古天樂咁起下學校，咁可能會開心啲。」

「呢個世界無人係鍾意日日俾人話嘅！曾經有一個白手興家嘅朋友同我講，佢有個有錢仔friend high大咗，揸住架法拉利車咗佢上半山，停埋一二邊突然喊咗出嚟，佢同我個朋友講：『你就好啦！可以有機會發奮圖強！其實我好慘......』」

最後阿澤寫道：「我同情劉鳴煒。」

＊＊＊＊＊＊＊＊＊＊＊

除咗阿澤之外，《逆流大叔》嘅導演陳詠燊都有講到呢件事，佢話：「大家都看錯重點了。一個有不知有幾多億身家的父親，兒子十歲生日，決定送十萬現金給兒子，代表甚麼？對一個有N億身家的男人來說，他生活中最就手，最不用思考就可以得到的物件，就是現金。」

「他的兒子十歲生日，他怎樣做？他不但沒有花心思去想禮物，甚至連叫任何一位秘書去替他了解一下十歲小孩喜歡甚麼，然後代他去買禮物都沒有，而是現兜兜的用——公文袋（不是禮物盒，不是花紙，而是辦公室裡最就手的公文袋），包著十萬現金作『禮物』。」

「而這個只有十歲的孩子，不但沒有利用這些錢去彌補自己童年應有的童真與想像力，去購買喜歡的玩具，反而更匪夷所思地認同了父親的價值觀，把十萬元留了下來，以數錢來作娛樂，還數了半年。」

「整件事，其實是恐怖片來的。」

「一個月入只是幾千元的工人，收工拖著疲累的身軀，買一個幾十元的生日蛋糕送給孩子，我們可看出父愛，因為你知道他付出的那些時間、精力與金錢，都是有價值的犧性。然而十萬現金，對於有N億的父親來説，是一丁點價值都沒有的。」

「那麼你明白，為甚麼他那個孩子長大後，會變成這樣了。他，其實很可憐，而更可憐的是，他可憐到不知到那些可憐是可憐，從而把那些可憐拿出來為作為驕傲。」

「可憐到窮得只剩下錢，大概就是這個意思。#最後的香港人」

精選娛聞，喺晒《娛果》
http://fb.com/appledailyent