國際米蘭和AC米蘭兩支意國勁旅雲集北京，明日在鳥巢對壘爭奪意大利超級盃。意國名牌Versace今年為國際米蘭設計西裝隊服，設計師DonatellaVersace都專程赴京出席慶祝派對，派對前晚在三里屯Versace總店舉行，國米球星前鋒伊度奧及葡萄牙前國腳費高都有出席。Donatella盛讚國米是有個性的球隊。
李嘉欣穿上一身Versace羽毛裝跟伊度奧合照，她大讚眾球星說：「個個都好靚仔，我對足球唔係太認識，但佢哋好有型。先生（許晉亨）鍾意睇波，知道我有機會見佢哋都戥我開心。」早前有傳她求診追女，李嘉欣否認說：「我屋企已有一個小明星，（下年）龍年同我唔係太夾，犯太歲，未有呢個計劃。」那麼2013蛇年呢？嘉欣說：「我怕蛇喎。」2014呢？她說：「再諗啦，順其自然，我冇心願，對子女冇苛求，一個夠晒數。」
提到碧咸最終都追到女，李嘉欣說：「冇喇，心足喇。老公見我生，都知女人之苦，佢擔心將來個女要承受呢啲女人之苦。」提到小Jayden，李嘉欣忍不住心甜：「佢家5個月大，仲係飲奶同瞓覺多，未搵學校，邊有咁誇張呀，我都唔使個仔識5、6國語言。」

AC米蘭昨日就在意國名牌Dolce&Gabbana店內舉行新書簽名會，吸引大批北京粉絲爭相與加度素及尼斯達等合照，更有粉絲在AC米蘭的旅遊巴上簽名留念。其間一名貌似「細哨」朗拿甸奴的外籍球迷出現，令球迷大為興奮，連中央台記者都訪問他。
採訪、攝影：葉雪