【更新：加入鄭奕琳感受】
最後一名堅持絕食的學民思潮成員、就讀中大政治及行政學系3年級鄭奕琳於晚上宣佈停止絕食。鄭奕琳已經絕食近142小時，她指現時感到頭暈氣喘，故決定停止絕食。

絕食近六天的鄭奕琳相當虛弱，由他人推輪椅出入。晚上登上金鐘大台前，戴著冷帽的她雙眼幾乎睜不開，不時垂頭按著太陽穴。她坐著發言，聲線微弱，稱自己向來「為食」，但過去142小時絕食，其間除了清水，就只喝了四杯半寶礦力，現時感到頭暈、氣喘、呼吸困難、心跳快，「身體唔容許我絕食落去」。

她說，投入社運兩年以來，犧牲與家人、朋友相處等時間，她哽咽道：「我已經好耐冇食過住家飯喇。回鄉證相信用唔到，仲唔知會唔會秋後算帳。自由、平等、民主係唔可以當飯食，但可保護我哋，制衡政府。」她批評政府傲慢，拒聽民意，「學生只有初心同熱情，爭取嘅對每隻雞蛋都有好處。各位成年人，請拿出你嘅良知、良心」。

義務醫療隊的歐煙佳醫生指，鄭奕琳的血壓及維生指數尚算穩定，但相當虛弱，故勸喻她停止絕食。他說：「我代表醫療隊多謝學生。學生嘅熱誠無庸置疑，照顧佢哋係我哋嘅光榮。」

【雨傘革命】 http://umbrella.appledaily.com