史雲斯之前炒咗保羅基文迪後，搵中場里安比頓做住球員兼暫代領隊，而家陣再搵咗前錫周三領隊卡華夏正式接掌後，本身想畀佢加入教練團，點知對方一口拒絕。

卡華夏本身係葡萄牙籍主帥，所以教練團內大部份都係葡國人，就想搵里安比頓加入，充當同球員之間嘅橋樑，加上佢喺天鵝效力咗兩段時期加埋有13年，人脈關係十分廣。不過，里安比頓就寧願做番球員，唔想做卡華夏嘅副手。

35歲嘅佢表示：「佢哋畀我自己決定，而我諗咗一段時間後，發覺自己雖然幾享受教波嘅經驗，同埋都喺呢段時間學咗唔少嘢，但我覺得仲可以喺球場上帶嚟影響力，所以我覺得自己做番球員，亦係現階段對球會最好。」在里安比頓出任暫代領隊的兩場聯賽，天鵝主場對水晶宮踢成1:1，之後作客利物浦則大敗0:5。

不過，里安比頓家陣就因為小腿傷患，難喺周二對熱刺場快車趕及上陣，應該要等到英足盃第三圈開打時，先可以復出。

----------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM