林奕匡（Phil）晏晝去到灣仔出席新歌《愛情小品》MV首播活動，佢話今次喺網上召集唔同歌迷提供愛情故事再拍成今個MV，佢話：「網上反應好踴躍，有年輕情侶，有老夫老妻亦有同性戀情侶。」

Phil又透露嚟緊會返加拿大陪爸爸媽媽：「返去慶祝佢哋六十五同六十大壽，都計劃咗去到同佢哋玩個Road Trip，但只係可以留一個星期左右，因為返到香港好多嘢做。」