謝安琪同陳奕迅呢pair過氣緋聞情侶，又俾新城巧合地擺咗上台，兩人齊齊獲頒年度歌手獎，而Eason嘅《任我行》就獲年度歌曲獎，另佢同G.E.M.都分別獲得「學生最欣賞男女歌手」獎。Kay話:「多謝新城，多謝銳哥，在心中啦，多謝新城DJ，多謝歌迷，無論廣東定國語專輯，好多歌迷都好支持我，俾做我做我想做嘅音樂。」佢又多謝星煥及金牌大風同工作團隊，最後當然係要多謝佢嘅家人……張繼聰啦。