陳美詩（Macy）、張惠雅（Regen）、海俊傑同其「緋聞女友」潘欣妮等，今日喺銅鑼灣出席醫學美容院活動，Macy自爆最近好乾，因為忙於為老公孫耀威嘅演唱會分飛，佢話：「之前好多朋友買咗飛，我好幾晚都分飛分到凌晨4、5點，o依家我改咗名叫『阿燕』，因為『分飛燕』嘛！最大壓力唔係演出，係分飛。老公都積極籌備，佢好弗，減咗10kg有多，佢真係性感嘅，鋼條型，線條出晒嚟，好正！之前有少少貨不對辦，o依家收貨。」

而身為代言人嘅Regen就話唔介意打針美容，佢話：「o依家越嚟越普遍，睇咗最近個報道（有女士疑打botox致死），個醫生80幾歲，好多人未必做資料搜集，呢啲關乎生命㗎。」

另外，海俊傑今再次否認緋聞，並澄清潘欣妮其實係自己嘅師妹，海俊傑話老婆冇詐型。

精選娛聞，喺晒《娛果》
http://fb.com/appledailyent