轉戰內地拍劇，勁賺人仔加上投資有道而變成小富婆嘅李彩華（Rain），今日有周刊報道話佢同過氣「新五虎」何遠恒秘撻近3年，喺感情穩定嘅情況下，想喺兩年內結婚。

阿Rain今日接受《蘋果》訪問，講到係咪真係喺兩年內結婚，佢笑笑口話：「其實我係講話如果想生仔，會喺呢幾年結婚，不過o依家所有嘢都係天父為我安排，所以我會聽從佢嘅主意，而唔係我去安排，相信佢安排得嘅話，一定係好。」

但係到時又會唔會閃電結婚？佢話：「你估抽閃卡咩？咁快，慢慢嚟喇，呢啲嘢唔急得，總之天公叫我閃就快閃，慢閃就慢閃。」