多蒙特曾經係我嘅愛隊，而最近貼親呢支德甲球隊都有斬獲，加上佢哋近況好兼又要搶分力保下季歐洲聯賽（EuropaLeague）參賽席位，喺德甲煞科作客要護級嘅慕遜加柏唔單止估佢哋贏，仲係可以贏多過一球嗰隻，即係「讓球主客和」[-1]嘅「客勝」。
多蒙特話晒都係前歐洲冠軍，雖然今非昔比，但佢哋喺季尾回勇，近9場聯賽贏足8場，其中仲有7場係贏對手多過一球㖭！而佢哋如果今役全取3分，來季就肯定可以踢歐洲賽，試問今訪下游嘅慕遜加柏時，點可以唔揀多蒙特[-1]嘅3.35倍「客勝」呢？

敲比勒費爾德攞「威」

另外，本來今季對另一德甲隊漢諾威都幾有好感，上個禮拜仲貼佢哋對住榜首禾夫斯堡可以偷雞，點知佢哋毫無招架之力，俾狼堡大炒，今場仲要作客要護級嘅比勒費爾德，一於調轉槍頭捧比隊，仲大膽啲要比隊[-1]「主勝」。
美職方面，華盛頓聯隊喺上場聯賽對住美國芝華士先落後兩球下追和2:2，周六聯賽迎戰近況甚差嘅皇家鹽湖城，華盛頓聯隊要贏兩球或以上冇難度。另外，新英倫革命今季演出跌watt，訪FC多倫多和波居多，不妨考慮總入球開[2球]或[4球]。至於瑞超弱旅哈馬比近況回升，而佢哋近6次迎戰咸史達斯共3勝２和１負，其中5次係[半和]之外，當中兩次贏波開[和/主]，呢場梗係又吼[和/主]啦！文：吾中