由奧斯卡影后珍妮花羅倫絲（Jennifer Lawrence）主演嘅《媽媽！》（Mother! ）入選威尼斯影展，更本來係金獅獎大熱門之一，再加上作品係同男友導演Darren Aronofsky嘅定情作，本身雙喜臨門信心十足，點知首映過後慘遭劣評，更被觀眾狂噓之下散場，搞到影后好失威，即刻就離開威尼斯。噚晚佢就去倫敦繼續宣傳，仲身穿極性感半裸裝現身，希望以話題救戲。其實佢為部戲都去到好盡，受訪時指：「個情感係我從來都未試過付出咁多。」仲冷對外間對電影嘅批評：「啲影評係幾困擾，啲人一係鍾意一係好憎套戲，我覺得咁幾好，起碼冇人行出戲院時係聳聳膊頭冇意見。」