參加半馬嘅有湯怡、崔碧珈、馮允謙、江海迦(AGA)等,湯怡男友洪卓立去咗維園終點站迎接送驚喜,令湯怡冧爆。問湯怡如果立立帶埋花同戒指求婚會唔會仲感動?點知湯怡話有樽水就夠。崔碧珈話下次想挑戰全馬,不過唔知仲有冇品牌贊助。
至於10公里賽就有鄭融、Dear Jane嘅Tim、Jackal、C AllStar嘅釗鋒、鄭洢玲(阿旦)等。釗峰已經參加過幾屆渣馬,鄭融亦係常客,佢孖Jackal一齊跑,仲話好滿意今年嘅成績,雖然時間比舊年慢咗啲,但舊年跑到氣喘,連訪問都做唔到。另外,彭浩翔喺微博貼出參加渣馬嘅相,仲好搞嘢着住件「I hate running」(我討厭跑步)嘅戰衣。
撰文:馮仁昭