【隔咗2年先講】湯怡自爆洪卓立係初戀 分手對雙方成長更加好
蘋果日報 2020/09/05 19:07
湯怡洪卓立分手
湯怡在2018年與拍拖11年的洪卓立宣佈分手，雖然兩人表示是和平分手，不過有不少網民直斥湯怡利用洪卓立（Ken），其後又傳她搭上陳家樂及王菀之叔仔Gavin，但洪卓立仍然維護舊愛，指對方並非貪慕虛榮的人，分手亦跟結婚無關。
湯怡早前接受商台《1圈圈 星光背後》的訪問，談到感情生活，湯怡表示自己只拍過一次拖，洪卓立是她的初戀：「真係好難以置信，我同個個人講都冇人信，但係真係。」湯怡當年與洪卓立拍了6年拖才公開：「公司都好自由，冇畀過壓力我哋。」湯怡與洪卓立拍拖多年，曾經承認大家是結婚對象，可惜最後「婚」訊變「分」訊，湯怡首度提到分手的理由：「講真，一齊咗咁多年，相處一定有問題，可能到咗一定嘅年紀，有陣都會諗吓將來，又或者事業嘅問題，我哋喺2017年開始傾，用咗一年處理呢啲問題，試吓磨合及改善，但最後決定忍痛分開，可能大家分開一下各自去衝，對雙方嘅成長會更好呢。」
問到會否有機會復合，湯怡說：「將來嘅嘢冇人知，而家起碼分開一下，各自去衝，為自己、為家人都好，唔想再浪費時間。」湯怡感激洪卓立多番為她護航，她亦對被指是「第三者」的朋友，包括陳家樂及「跑友」Gavin So感抱歉：「我同阿Ken嘅感情，真係唔想牽涉到第三及第四個人，我而家都有追求者，但係我會擺家庭喺第一位，之後係事業，最後先係感情，我試過因為性格太宅，唔識為自己爭取演出機會，搞到半年零工作冇收入，難得而家多咗演戲機會，希望多啲人認識我。」
湯怡首度講與洪卓立分手原因。
洪卓立與湯怡分手後，依然維護女方。（資料圖片）
洪卓立和湯怡用了一年時間處理感情問題。（資料圖片）
湯怡曾經與陳家樂傳緋聞。（資料圖片）
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！