「一蚊一隻雞翼、10蚊一串串燒，希望吸引多啲客人。」酒吧賺的是「開心錢」，但過去數月，香港成為催淚之城，愁雲慘霧，亦嚴重打擊酒吧生意，酒吧業協會副主席錢雋永表示，業界普遍生意下跌兩成，個別地區酒吧生意下跌四成，業界處於無錢賺甚至蝕錢狀態。聖誕節黃金檔期將至，業界推出多項優惠吸客。他個人覺得政府過去半年「做得好差」，而酒吧業因擔心公開罵政府會遭報復，如續酒牌時遇到麻煩、或者「警察會唔會不停查你牌」，所以不會貿然表態。

記者 金敏琍 攝影 麥超億

酒吧可算是經濟寒暑表，每當經濟出現危機，酒吧業總首當其衝，出任酒吧業協會副主席10年的錢雋永表示，今年反送中運動引發的影響，堪比金融海嘯，列入三甲之內，「如果10粒星係最困難，今次都有5粒星。」

反送中運動發展至今，9月港鐵開始提早收車，對酒吧業造成重擊，整體較6月至8月下跌一成更嚴重，個別在警署附近及示威黑點地區，生意甚至下跌4成，「酒吧有三段時間，頭段6點至9點happy hour時段最受影響，啲客都唔敢出嚟飲嘢，因為冇車返屋企...呢個時段平均都佔四分一生意額，講緊都20%生意。」

目前全港約有1280間酒吧，數字持續數年，被問到酒吧業在可見將來會否出現結業潮，錢雋永認為大都屬於有實力的酒吧，加上有別飲食業界，酒吧營運資金遠較酒樓食肆為低，相信仍可維持一段時間，「大家肯定會捱埋聖誕，因為過去無論發生咩事，聖誕檔期生意一定有增長，相信今年唔例外，只係增長幾多，過往市道好可能會翻一翻，今年增長幅度肯定唔能相提並論，希望聖誕檔期可以賺錢，頂到1、2月淡季。」

為催旺市道，目前約有600間酒吧在手機App《Bar map》酒吧地圖作出推廣優惠及酒吧資訊，包括「邊度有歌手駐場」、「邊度有靚仔DJ」等資訊，另外業界推出特價小食優惠，包括1蚊1隻雞翼、10蚊一碟串燒等等，「從來未試過，即係差唔多平時3折，希望小食呢一部份蝕啲，但吸引客人嚟幫襯，在酒水方面賺錢。」

對於興起黃色經濟圈概念，錢指業界避免就黃或藍表態，「酒吧係受政府發唔發酒牌畀你先有得做，一個酒牌可以玩死你，同埋警方會唔會成日上門查牌，都會好影響生意。」他續稱，政府施政過去半年好明顯出現嚴重失誤，認為應認真聆聽市民聲音。
----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
---------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568