幾經波折，K艾榮（KYRIE Irving）今夏終於順利轉隊，由騎士轉投塞爾特人，呢位星級控衞周五就同今夏以自由身加盟綠軍嘅哥頓希活（Gordon Hayward）齊齊出席發佈會，自交易後公開亮相。

K艾榮透露，自己唔想再同勒邦占士（LeBron James）合作、要求轉隊嘅原因，係想將自己嘅潛能盡量發揮；而佢要求交易之後，亦同占士冇偈傾。不過，K艾榮之後坦承喺占士身上學到好多：「如果我唔講自己喺佢（占士）身上學到嘢，咁我一定係講大話。我得到一個特別嘅機會，同史上其中一位最偉大嘅球員一齊打波，係一件好事。」