林夏薇、林作、楊明等今晚在大埔為出席慈善晚宴，早前林夏薇捲入一宗交通意外，但法官指林夏薇證供矛盾，在疑點利益歸於被告下判被告罪名不成立。其後林夏薇在IG撰文表達不滿，指自己被小路出大路的車撞到，又要到醫院覆診，不過林夏薇今晚已經釋懷：「條腰好番啲，前兩日仲學番跳舞，啲嘢過咗去，經一事長一智。唔會驚咗揸車，但會自己揸少啲，自己都會小心啲，今日都特登裝番車cam。」

林夏薇指自己生意好忙，沒有時間為小事再嬲，講到洪永城日前到她的餐廳食飯，又多口問拎特許經營權，林夏薇笑言：「多謝佢支持，啲fans話俾1%佢，其實我都睇緊有冇得合作。」工作忙有否考慮造人？她說：「冇抵觸，最緊要調理身體先。」

林峯早前帶同女友張馨月回鄉，是否好事近？林夏薇不敢代堂兄回答：「唔知喎，我個次冇去，我哋分批去。我唔敢講佢啲嘢。」家人有沒有訂她的餐廳開party？她說：「如果係實我book嘅，不過以我所知佢係工作為主。」

至於林作今日要撐枴杖出席，他表示三個星期前做手術割了右腳趾公雞眼，又指這次是人生第一次做手術，體會到女人生仔的痛楚。昨晚華姐競選，其前度麥明詩谷胸做主持，平時口多多的林作卻說：「我唔評論任何女性喇，我真係好少睇電視。」

另外2月底38歲生日的楊明，在生日期間跟女友莊思明、女友家姐莊思敏及一個朋友去了曼谷旅行，楊明說：「佢哋好好，特登留番27號當晚畀我同思明二人世界，思明仲book咗間好靚嘅餐廳同埋有個好靚嘅蛋糕同我慶祝，送咗條鍊畀我，而家日日戴住。」問到莊思明早前上載了一張咀爆的照片到社交網站，問他有沒有回禮？他說：「我嗰日唔記得咀，不過開心嘅日日都可以咀，生日呢啲咁唔特別嘅日子就唔使啦，38歲喇，都嗰頭近（4字頭），都想盡快成家立室，但我同女朋友都想完成手頭上嘅工作先，我知女朋友都等得嘅！」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb