吳業坤今日喺銅鑼灣出席一個GooglePlay遊戲節舉行嘅「坤哥」貼地玩好Game，坤哥喺現場除咗打機之外，仲玩夾公仔，夾四次中三次，認真厲害！

坤哥表示由細到大都鍾意打機，所以有一班「機」友，自嘲係「低頭族」嘅佢，由於機不離手，所以曾被前度女友投訴，呷手機醋，不過坤哥話0依家好有節制，覺得攰就會休息，坤哥仲話會花錢買寶物增強實力。提到有唔少年青人先花未來錢買寶物玩Game，坤哥覺得大家要盡力而為，唔好過份沉迷，唔好傾家蕩產去買。

講到吳若希早前笑指被坤哥搶咗唔少工作，搞到佢要喺屋企做宅女，坤哥笑住講：「嘩，佢貴過我嘛，講笑咋，聽日我哋都一齊過澳門做嘢；其實我工作係多咗，多人欣賞我演出，但嚟緊會減少，因為5月尾會同田蕊妮合作拍劇，好期待。」先同關淑怡合作，0依家又同視后阿田，坤哥話：「非常榮幸，聽關淑怡唱歌非常好，所以校長（譚詠麟）話唔睇係蝕底。」