【夜●難民】落魄商人變麥難民 勸戒年輕人：唔好嚟呢度坐
蘋果日報 2018/12/08 20:46
麥難民麥當勞
已適應麥難民生活的高佬，經常告誡自己，要盡早去租房以脫離此圈子的生活。（麥超億攝）
深水埗一間通宵營業麥當勞是高佬的家，57歲的他曾經風光在內地開工廠，但其後生意失敗又染上賭癮，輸光500萬身家，更欠下一身債，最後回流香港由老闆變清潔工住劏房，近年租金狂升下發現「瞓麥記」更划算，4個月前加入麥難民系列。他坦言「坐坐下就唔想交租，前排我都勸個20零歲後生仔有能力就要租房，因為呢度好易養懶人。」
記者：林熊 攝影：麥超億
高佬衣著光鮮，頭髮梳理整齊，靜坐麥記一角，看着手機播放的電影，記者上前詢問：「你係咪瞓麥當勞？」他出人意表的爽快承認：「係！」他說願意受訪，但底線是絕不可拍攝樣貌，他憶述「第一晚做麥難民時，內心真係不停在喊；自己真係好折墮！嗰晚有諗過自殺，想跳樓，去過樓頂，但望落去冇勇氣跳落去。」
57歲的高佬身高1.8米，直言「選擇喺麥當勞瞓，因為有瓦遮頭，公園有蚊咬，又有閉路電視安全啲。」他自言「我依家都有交稅，但屬於N無人士，現時去體育館沖涼算係唯一攞嘅政府福利。」
高佬生於大家庭，於9姊弟中排第8「當年預科成績可以讀中大，但屋企窮，無錢交學費。」畢業後便做風筒工廠的品質檢查員，之後轉做鐘錶學徒。
儲幾年錢後與朋友合資到深圳開手錶配件廠，可是晚晚應酬酒色財氣下，最終跟香港妻子離婚。「樓呀車呀，仔女撫養權歸女方。」
89年「六四」事件後，外國制裁下工廠訂單暴減，工廠終在1992年執笠，家庭破裂又好賭欠債回港，用僅餘積蓄到澳門放數卻被走數蝕光。高佬最終回港住劏房，在清潔公司工作，月入13000元。可是其後業主瘋狂加租，今年7月租金加至5500元，他認為太貴不續租寄身麥當勞。對未來，他希望可找到合理租金劏房便脫離麥難民行列，重新上樓。
高佬認為麥當勞有閉路電視又有瓦遮頭,更有警員巡邏，所以十分安全。（麥超億攝）
麥難民都有自己的一套潛規則，每人都有一個固定位置，清晨六點要離去，不能在傍晚繁忙時進入。（麥超億攝）