今年有多套翻拍自人氣漫晝嘅真人版電影上映，由荒木飛呂彥創作30年嘅日本漫畫《JoJo的奇妙冒險》起用當紮男星山崎賢人飾演東方仗助，電影由著名怪雞導演三池崇史執導，安排喺今年8月喺當地上映。

《JoJo的奇妙冒險：不滅鑽石-第一章-》故事由漫畫第四部開始講起，山崎賢人飾演嘅東方仗助係性格忠厚嘅高中生，好受女生歡迎，山崎賢人為忠於原著都特別練成大隻仔，佢又跟足角色梳咗個紫色臭飛頭再襯紫色校服。

為宣傳新片，山崎賢人噚日再以東方仗助風格嘅髮型出席活動，片商於電影官方召集近300個女學生齊梳臭飛頭撐場，場面有趣。