樂基兒（Gaile）、連詩雅（Shiga）與伍靜麗等，今天於中環出席個人護理品牌開幕活動，Gaile自今年4月誕下囝囝Hunter後首次公開露面，新生命來臨，Gaile難掩心中喜悅，一副幸福滿瀉模樣，她笑言目前會將囝囝放於首位，又開心踏入人生另一階段，有重新的感覺，她指囝囝似足自己的小時候，猶如mini Gaile，問到會否考慮追個女？她說：「暫時冇打算，享受吓同囝囝嘅時間先，冇特別計劃。」

一家人剛返美國探望家人，Gaile說：「前幾日先喺美國返，因為媽咪想照顧個孫，返咗去幾星期，同我慶祝生日，又幫BB搞咗welcome party。」Gaile透露BB剛滿5個月，中文名亦已改好，她說：「叫朱樂其，意思係樂在其中，係爺爺改嘅，而英文名Hunter Ethan Chu，意思係活潑同會照顧屋企。」前日Hunter打針後發燒，令初為人母的Gaile又驚又緊張，要不停觀察為Hunter量度體溫，又要不停用凍水敷額頭替BB降溫，原來Gaile也屬緊張媽媽，腦內冇時冇刻都想着兒子的事，每個階段也有擔心的地方，她說：「好彩而家互聯網可以搵到資料，之前我媽咪唔知點可以做到。其實而家好開心，雖然好攰，但係好開心，起初坐月，我媽咪都有嚟陪我，又有陪月，覺得太多人，而家有helper，有夜間保母，老公都會幫手，逢假日都會係family day，我哋會帶佢去商場行街。」問囝囝有「斟茶」給老公嗎？Gaile笑說：「試咗好多次，而家好醒，識得遮住先。」

另外，Shiga指後天將開拍新劇《使徒行者3》，將飾演女警臥底，她指劇中要色誘袁偉豪，又要穿大量貼身衫褲、只包着臀部的迷你裙，為了上鏡更瘦，她連續數天節食，沒有吃澱粉質，更特別為雙長腿護理，她笑說：「對我嚟講性感離不開雙腳，冇乜其他嘢色誘到人，所以要好好護理吓。」

採訪、攝影：羅慧敏

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港