阿仙奴內部今季斥資10萬鎊（約102萬港元），引入時下流行嘅VR技術嚟幫助球員訓練，點知適得其反，搞到班球員個個投訴用完後暈陀陀。

成套VR訓練設備系統，戲由荷蘭一間先進嘅體育科技公司叫Beyond Sports嘅研發出嚟，球員會戴上配備VR技術嘅耳機，仲要著埋特定嘅衫，然後走入一間智能室入面，等球員感受從唔同角度去分析自己喺比賽一刻，應該點樣做先係最適當，包括傳波、射波或走位等，其實係想幫佢哋加強判斷能力同加快佢哋嘅思考同反應。

不過，據報包括比利連等幾名雲格嘅子弟「兵」用完後，覺得好唔舒服，投訴成個人都暈陀陀，雖然Beyond Sports發言人仲話其實畀班青年軍用最適合，可以佢哋進步更快，但家陣連一隊球員用完都話唔掂，兵工廠可能好快就會停用，睇嚟Beyond Sports都要諗吓計仔，否則都好難sell到第二個客。