韓國綜藝節目《Running Man》成員李光洙聯同《屍殺列車》女星鄭有美、裴晟佑等主演嘅tvN新劇《Live》，已於上周六首播，收視及觀眾反應尚算唔錯。

劇集將於今晚播出第3集，劇組就公開咗新劇照及新海報宣傳。據製作組表示，今晚播出嘅情節將係光洙、鄭有美等人畢業真正做警察後第一次出動，劇照中眾人神情都好嚴肅。

而新海報中，李光洙、鄭有美、裴晟佑等人或企或坐，又舉高手，砌出劇名「LIVE」，相當有心思，不過最為劇迷注意嘅當然係男女主角光洙及鄭有美，身高1米9嘅光洙企喺身高僅1米63嘅鄭有美後面，立即高出對方成個頭，而光洙更將手搭喺女方膊頭上，兩人都露出燦爛嘅笑容，相當可愛。

更多韓流，喺晒《娛果》
http://fb.com/appledailyent